Vüqar Həşimov Şahmat Akademiyasının təntənəli açılış mərasimi!

Oktyabrın 1111-də Vüqar Həşimov Şahmat Akademiyasının təntənəli açılış mərasimi keçirilib Tədbiri Azərbaycan Şahmat Federasiyasının mətbuat xidmətinin rəhbəri Sənan Şəfizadə giriş sözü ilə açdıqdan sonra əvvəlcə görkəmli şahmatçının həyatından bəhs edən videoçarx nümayiş olundu. Azərbaycan Şahmat Federasiyasının vitse-prezidenti Faiq Həsənov çıxış edərək mərhum şahmatçının qazandığı uğurlar barədə məlumat verib, akademiyanın fəaliyyətə başlamasının önəmini yüksək qiymətləndirdi. V.Həşimovun komanda yoldaşları Qədir Hüseynov və Zeynəb Məmmədyarova mərhum şahmatçı barədə xatirələrini bölüşüb, onun sadiq dost, güclü şahmatçı olduğunu diqqətə çatdırdılar. Şahmatçının atası Qasım Həşimov ölkəmizdə idmanın bu növünün inkişafına dövlət qayğısını yüksək qiymətləndirib, Vüqarın xatirəsinə göstərilən ehtirama görə minnətdarlığını bildirdi. O, Vüqarın xatirəsinin yaddaşlarda qalması üçün bundan sonra da müxtəlif layihələrin həyata keçiriləcəyini bildirdi. V.Həşimovun yaradıcılığından bəhs edən film nümayiş olundundan sonra, Vüqar Həşimov fondunun rəhbəri Anar Allahverdiyev Vüqar Həşimov Şahmat Akademiyasının fəaliyyətə başlamasını rəsmi elan etdi. Tədbir sorası qonaqlar daim şahmat yarışlarında gənclərə dəstək olan MADO Azərbaycanın təşkil etdiyi çay süfrəsi arxasında xatirələri yad etdilər.