İstehsalat

İstehsalat prosesi

MADO-nun istehsalat bölümündə 100-ə yaxın çeşiddə yerli, şərq və avropa şirniyyatları hazırlanır. Məhsullarımızın xammal qəbulundan etibarən məhsul tam hazır olana qədər bütün keyfiyyət və qida təhlükəsizliyi standartlarına riayət olunur. Şirniyyatların fərqliliyini təmin edən amillərdən biri də daim bazarın ən keyfiyyətli xammallarından istifadə etməsidir. Müştərilərin MADO-nu seçməsinin əsas səbəbi istehsal olunan məhsulların keyfiyyətinə əminlikləridir.

İstehsalat bölümündə hər zövqə uyğun – Moruq souslu, Antep fıstıqlı, Böyürtkənli, Şokoladlı, Karamelli, Kivili, Damla şokaladlı, Hind qozlu, Portağallı, Ananaslı, Manqolu, Ballı-badamlı, Qara tutlu, Çiyələkli, Limonlu, Bananlı, Yemişli dondurmalar, Banan/Portağal/Çiyələkli Splitlər, Maraş kəsmə, Klassik kəsmə, Fantaziya, Tutti-frutti, “Sultan Qayığı”, “Səltənət Zirvəsi”, Red Passion, Kup Dark, Kup Anatolia, Mövsümi və Diabetik dondurmalar hazırlanır.

Tort hazırlanması

Tort bölümü öz geniş çeşidləri ilə hər zaman müştərinin zövqünü oxşamağa çalışır. Bura həm dadına alışılan klassik tort növləri, həm müasir avropa tort və desert növləri, həm də professional qənnadçıların fantaziyalarının məhsulları daxildir. Bundan başqa sizin özəl günlərdə, tədbirlərdə xəyallarda canlanadırılan tortlara həyat verilir.

Qənnadı məmulatlar

Digər bölümdə isə müxtəlif növ milli, şərq, eləcə də ənənəvi türk şirniyyatları hazırlanır. Bişirilən geniş çeşidli qurabiyələr hər bir çay süfrəsinin bəzəyinə çevrilmişdir. Xüsusi reseptlərlə hazırlanan mayalı məhsullar, qat-qat xəmir məhsulları, müxtəlif içlikli bulkalar sevilən çeşidlərdəndir. Bundan əlavə MADO qənnadçıları tərəfindən hər il yeni-yeni məhsulları vitrinlərə əlavə olunur.

Fırın məhsulları

Şirniyyat vitrinlərini dadı və görünüşü ilə bəzəyən məmulatlar hər gün gündəlik olaraq yerində bişirilir və isti-isti müştərilərə təqdim olunur. MADO fırınında hazırlanan bütün çeşidlər ən yüksək kefiyyətə malik olan məhsullardan hazırlanır, tərkibi və keyfiyyəti daim nəzarətdə saxlanılır.

Xammal anbarı

Xammalların və hazır məhsulların saxlanılması və daşınmasında bütün lazımi tələblərə riayət olunur. Bunun üçün müxtəlif dərəcəli və təyinatlı soyuducu kameralar və müasir anbar sistemləri qurulmuş, xüsusi nəqliyyat vasitələri ayrılmışdır.

Məhsulların keyfiyyəti hər gün yoxlanılır və bütün standartlara ciddi nəzarət olunur. Qida təhlükəsizliyi şöbəsinin əməkdaşları anbar və filiallarda daim məhsulların keyfiyyətinə nəzarət edir.

Ümumi məhsul anbarı və loqistika

MADO Restoranlar Şəbəkəsi bütün qida məshullarını uzun müddət araşdırdıqdan və məhsul keyfiyyətinə tam əmin olduqdan sonra öz məhsul tədarükünə əlavə edir. Bütün ərzaqların alışları qida təhlükəsizliyi araşdırıldıqdan və müəyyən olunmuş sertifikatları əldə etdikdən sonra həyata keçirilir.

MADO Restoranlar Şəbəkəsi bir qayda olaraq bütün ərzaqlarının yüksək keyfiyyətli olmasını və bütün qida standartlara cavab verməsini qarşısına məqsəd qoymuşdur. Qonaqlara ən keyfiyyətli ərzaqlardan hazırlanan ən ləzzətli məhsulları təqdim etmək MADO-nun düsturudur.